Осы бастама аясында Орталық ҚР Цифрлық даму, инновациялар және аэроғарыш өнеркәсібі министрлігі, ҚР Энергетика министрлігі, «Резерв» ШЖҚ РМК, «Азаматтарға арналған үкімет» мемлекеттік корпорациясы, «ҚазМұнайГаз» ҰК» АҚ, «Қазақстан темір жолы» ҰК» АҚ, Қазақстан жанармай қауымдастығы, «PetroRetail» ЖШС өкілдерінің қатысуымен фокус-топ ұйымдастырды.
Қазіргі уақытта Қазақстан Республикасының отын-энергетика кешенінің цифрлық трансформация картасын реинжинирингтен өткізу және жаңарту жұмыстары жүргізілуде.
Кездесу барысында мемлекеттік органдардың өкілдері мұнай өнімдерінің айналымын цифрландыру бойынша атқарылып жатқан жұмыстар туралы ақпарат ұсынды. Компания өкілдері өз ұсыныстарын айтып, тараптар реинжинирингтің орындалу барысын талқылады.
Алдағы уақытта компаниялардың ұсыныстарын ескере отырып, цифрландыру мәселелері бойынша кездесулер өткізу жоспарлануда.