Кездесуге ҚР Цифрлық даму министрлігі, ҚР Көлік министрлігі, Азаматтық авиация комитеті, Қазақстанның авиациялық әкімшілігі, Ұлттық ақпараттық технологиялар, Цифрлық үкіметті қолдау орталығы және әуе компаниялардың өкілдері қатысты.
Кездесу мақсаты – әуе кемелерін пайдаланушы сертификатын алудағы негізгі қиындықтарды анықтап, мәселені оңтайландыратын шешімдер мен оны жүзеге асыру жолдарын талқылау.
Іс-шара барысында мемлекеттік қызметті алуға өтінімге қоса берілетін құжаттардың көлемінде техникалық шектеулердің болуы, eLicense.kz порталында қызмет көрсеткені үшін онлайн төлемді жүзеге асыру мүмкіндігінің болмауы және т. б. мәселелер талқыланды.
Кездесу соңында қатысушылар арасында әуе кемелерін пайдаланушы сертификатын алу процесін жақсарту және оңтайландыру бойынша ұсыныстар талқыланды.